საქართველო აღმოსავლეთ პარტნიორობის საჯარო მმართველობის რეფორმის პანელის სხდომას მასპინძლობს

საქართველო აღმოსავლეთ პარტნიორობის საჯარო მმართველობის რეფორმის პანელის სხდომას მასპინძლობს, რომელიც საქართველოს მთავრობის ადმინისტრაციის უფროსმა კახა კახიშვილმა გახსნა.

მთავრობის ადმინისტრაციის ინფორმაციით, ორდღიანი შეხვედრების მთავარ თემას საჯარო სამსახურის რეფორმა წარმოადგენს, რომლის ფარგლებშიც ევროკავშირის წევრი სახელმწიფოებისა და აღმოსავლეთ პარტნიორობის წევრი ქვეყნების წარმომადგენლები ერთმანეთს თავიანთ გამოცდილებას გაუზიარებენ.

ღონისძიების მონაწილეებმა საჯარო სამსახურის რეფორმის გამოწვევებსა და მიღწეულ შედეგებზე იმსჯელეს. ასევე, სხვადასხვა ქვეყნის მაგალითზე, განიხილეს საჯარო მმართველობის რეფორმის დაგეგმვისა და განხორციელების მოდელები.

კახა კახიშვილმა მოწვეულ სტუმრებს ღონისძიებაში მონაწილეობისთვის მადლობა გადაუხადა და საჯარო მმართველობის რეფორმის მნიშვნელობაზე ისაუბრა.

„აღმოსავლეთ პარტნიორობის ქვეყნების ინტერესს კარგი მმართველობის პრინციპებზე დაყრდნობით ევროკავშირის სტანდარტების დამკვიდრება წარმოადგენს, რომლის ერთ-ერთი კომპონენტიც საჯარო მმართველობის რეფორმა გახლავთ. საქართველომ საჯარო მმართველობის კუთხით ძალიან კარგი გამოცდილება დააგროვა და სამუშაო შეხვედრის ფორმატში, მზად ვართ მისი გაზიარებისათვის. დეპოლიტიზირებული და პროფესიონალიზმზე დამყარებული საჯარო სამსახური არის ქვეყნის დემოკრატიული მართვის საფუძველი,“ - განაცხადა კახა კახიშვილმა.

ცნობისთვის, ღონისძიების ფარგლებში მონაწილეები მოინახულებენ „ტექნო პარკს“, რომელიც ინოვაციური საჯარო მმართველობის პრაქტიკული მაგალითია.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ