მიმდინარე სასესიო კვირას, 4 აპრილს, "მინისტრის საათის" ფარგლებში, პარლამენტში თავდაცვის მინისტრს, ლევან იზორიას მოუსმენენ. მინისტრი პარლამენტს გაწეული მუშაობის შედეგებს წარუდგენს, რის შემდეგაც დეპუტატების კითხვებს უპასუხებს, დაგეგმილია პოლიტიკური დებატები.

როგორც ცნობილია, საპარლამენტო უმრავლესობა, ყურადღების გამახვილებას, თავდაცვითი მიმართულებით ნატო-საქართველოს ურთიერთობაზე, ამ მხრივ არსებულ გამოწვევებსა და მიღწევებზე გაამახვილებს. რაც შეეხება საპარლამენტო ოპოზიციას, ყურადღება გამახვილდება სამინისტროში გატარებულ საკადრო ცვლილებებზე, ბიუჯეტის ათვისების საკითხსა და სამომავლოდ დაგეგმილ ცვლილებებზე.

„მინისტრის საათს“ პარლამენტის ახალი რეგლამენტი ითვალისწინებს. აღნიშნულ ფორმატში საკანონმდებლო ორგანოს წინაშე უკვე წარდგა რამდენიმე მინისტრი.