დიღმის მასივში აფეთქების საქმეზე „ყაზსტრანსგაზის“ რამდენიმე თანამშრომელი და მე-5 კორპუსის მცხოვრებთა ნაწილი გამოკითხვაზე იმყოფება
დიღმის მასივში მომხდარი აფეთქების საქმეზე მიმდინარე გამოძიების ფარგლებში, „ყაზსტრანსგაზ თბილისის“ რამდენიმე თანამშრომელი და მე-5 კორპუსის მცხოვრებთა ნაწილი დიღმის პოლიციაში გამოკითხვაზე იმყოფება.
გამოკითხვის პროცედურა რამდენიმე წუთის წინ დაიწყო. ამ დროისთის უცნობია, იმყოფება თუ არა გამოკითხვაზე იმ ბინის მეპატრონე, სადაც აფეთქება მოხდა.
არსებული ინფორმაციით, აფეთქება ექსპლუატაციის წესის დარღვევამ გამოიწვია.
მომხდარზე შსს-ში განმარტავენ, რომ გამოძიების ფარგლებიში გამოკვლეული იქნება ყველა საჭირო გარემოება.
დიღმის მასივის მეოთხე კვარტლის მე-5 კორპუსში, სავარაუდოდ, გაზის გაჟონვის გამო, აფეთქება დღეს მოხდა.
