პარლამენტის ბიუროს პრემიერ-მინისტრის მამუკა ბახტაძის მიმართვა წარედგინება “ზოგადი განათლების შესახებ” კანონში შესატანი ცვლილებების პროექტის ხელახალი კენჭისყრის შესახებ.

წერილობითი მიმართვა პრემიერმა პარლამენტს 5 აპრილს გაუგზავნა. სწორედ 5 აპრილის პლენარულ სხდომაზე მესამე მოსმენით კენჭისყრისას ჩავარდა ინიციატივა, რომელიც სკოლებში გამოსაშვები გამოცდების გაუქმებას ითვალისწინებს.

პროექტს, რომელსაც პარლამენტი დაჩქარებული წესით იხილავდა, დამტკიცებისთვის ხმები არ ეყო.

კანონპროექტს პარლამენტი განმეორებით დღევანდელ რიგგარეშე პლენარულ სხდომაზე უყრის კენჭს.