„ევროპული საქართველოს“ ერთ-ერთი ლიდერი ხათუნა გოგორიშვილი, პარლამენტის რიგგარეშე სხდომაზე სხვისი პულტის გამოყენების კონკრეტულ ფაქტებზე საუბრობს.

დეპუტატმა სამი პარლამენტარი დაასახელა, რომლებმაც რეგისტრაცია გაიარეს, თუმცა სხდომათა დარბაზში არ იმყოფებოდნენ. გოგორიშვილმა პარლამენტის ვიცე-სპიკერს გია ვოლსკის მიმართა, რომ გაატაროს ამ დეპუტატების მიმართ შესაბამისი სანქციები.

„რეგლამენტის მიხედვით, სხვისი პულტის გამოყენება დასჯადი ქმედებაა. მინდა გითხრათ, რომ გუგული მაღრაძეს გავლილი აქვს რეგისტრაცია და არ ყოფილა და იმყოფება დარბაზში, ისევე როგორც რეგისტრაცია აქვს გავლილი და არ იმყოფება დარბაზში ზაზა პაპუაშვილი და ბექა ნაცვლიშვილის გამოსვლის დროს ესალმებოდა კოლეგებს ენზელ მკოიანი, რომელიც შემოვიდა და მანამდე ჰქონდა გავლილი რეგისტრაცია. ძალიან გთხოვთ ამ სამ დეპუტატთან დაკავშირებით დააფიქსიროთ, რათა მოხდეს შესაბამისი სანქციის გამოყენება“, - განაცხადა ხათუნა გოგორიშვილმა.