ფოთის მერის მოადგილედ პაატა ლაგვილავა დაინიშნა. გოჩა კურდღელიამ ლაგვილავა თანამშრომლებს უკვე წარუდგინა. მან კულტურა, სპორტი და სოციალური საკითხები ჩაიბარა.

„შემოთავაზება ქალაქის მერისგან მივიღე. დავფიქრდი, გავიარე კონსულტაცია და მივიღე გადაწყვეტილება. ამ ეტაპისთვის მქონდა შეხვედრები ადმინისტრაციის სამსახურთან, სადაც გავიარეთ მიმდინარე თემები. ხვალ მოგეხსენებათ არის 9 აპრილი და ვიქნებით ღონისძიებებზე წარმოდგენილი. ოთხშაბათიდან კი ვაპირებ ყველა იმ სამსახურში გასვლას, რომელიც ჩემს კონკრეტულ საკურატორო სფეროს ეხება. ადგილზე გავეცნობით მიმდინარე პროექტებს, იდეებს, მოსაზრებებს, თუ რა არის განსახორციელებელი, რა არის დაგეგმილი“, - განაცხადა პაატა ლაგვილავამ.

აღსანიშნავია, რომ მერის მოადგილის პოსტი 1 აპრილიდან ვაკანტური მას შემდეგ გახდა, რაც გიორგი ფარეშიშვილმა თანამდებობა საკუთარი განცხადების საფუძველზე დატოვა.