დამსაქმებელთა ასოციაციის პრეზიდენტი - ქალისა და კაცის არათანაბარი ანაზღაურების შესამცირებლად კომპანიების ინფორმირებულობის გაზრდაა საჭირო

ქალისა და კაცის არათანაბარი ანაზღაურების შესამცირებლად კომპანიების ინფორმირებულობის გაზრდაა საჭირო, - ამის შესახებ „ინტერპრესნიუსს" დამსაქმებელთა ასოციაციის პრეზიდენტმა ელგუჯა მელაძემ არათანაბარი ანაზღაურებისა და სექსუალური შევიწროების საკითხის კომენტირებისას განუცხადა.

დღეს საქართველოს დამსაქმებელთა ასოციაციის ორგანიზებითა და შრომის საერთაშორისო ორგანიზაციის (ILO/DANIDA) მხარდაჭერით, გაიმართება საერთაშორისო მრგვალი მაგიდა: „არათანაბარი ანაზღაურება და სექსუალური შევიწროების პრევენციის მექანიზმები სამუშაო ადგილზე - გენდერული უთანასწორობის გამოწვევები საქართველოში ".

როგორც დამსაქმებელთა ასოციაციის პრეზიდენტმა განმარტა, ასოციაცია საერთაშორისო ორგანიზაციებთან ერთად რეკომენდაციების შემუშავების პროცესშია, რათა ქალისა და კაცის ანაზღაურებებს შორის არსებული 40%-იანი სხვაობა აღმოიფხვრას და სწორედ ამას ემსახურება დღევანდელი შეხვედრაც.

„ საერთაშორისო ორგანიზაციებთან ერთად ვიხილავთ აღნიშნულ საკითხს და შევიმუშავებთ კონკრეტულ სამოქმედო გეგმას, იმის შესახებ თუ რა უნდა იყოს დამსაქმებელთა ასოციაციის როლი ამ პროცესში. ჩვენ დიდი ხანია ამ საკითზე ვმუშაობთ და გამოვლინდა, რომ განვითარებულ კომპანიებში, რომლებიც საერთაშორისო გამოწვევებს პასუხობენ არ აღინიშნება ხელფასებს შორის განსხვავება, თუმცა სხვაობა არის გარკვეულ კომპანიებში, რაც მოგვარებადია საერთაშორისო სტანდარტების დანერგვით და მაღალი სოციალური პასუხისმგებლობის ჩამოყალიბებით", -განაცხადა ელგუჯა მელაძემ.

მისივე თქმით, ანაზღაურებებს შორის არსებული დისბალანსის შესამცირებლად კომპანიების ინფორმირებულობის გაზრდაა საჭირო.

„პრობლემის გადასაჭრელად პირველ ეტაპზე კომპანიების ინფორმირებულობის გაზრდაა საჭირო სოციალურ პასუხისმგებლობასთან დაკავშირებით. გვეყოლება მაღალი დონის ტრენერები და კონსულტანტები ამ მიმართულებით. ასევე მნიშვნელოვანია კონკრეტული კომპანიების დონეზე კონსულტაციები ქალთა უფლებების საერთაშორისოდ არსებული სტანდარტების დანერგვასთან დაკავშირებით", -აღნიშნა მელაძემ.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 14.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა