გიგი წერეთელი - ეუთო-ს რეზოლუციაში ირაკლი კვარაცხელიას საქმის გამოძიების და დამნაშავეთა დასჯის საკითხი უნდა აისახოს

დანიის დედაქალაქში ეუთო-ს საპარლამენტო ასამბლეის ბიუროს სხდომა გაიმართა, რომელსაც საქართველოს პარლამენტის წევრი, ეუთო-ს საპარლამენტო ასამბლეის პრეზიდენტი, გიგი წერეთელი ხელმძღვანელობდა. ამის შესახებ ინფორმაციას საქართველოს პარლამენტი ავრცელებს.

ბიუროს წევრების გარდა სხდომის მუშაობაში მონაწილეობა ეუთო-ს გენერალურმა მდივანმა ტომას გრემინგემმა და ალბანეთის პრეზიდენტმა, ირილ მეტამ მიიღეს.

ეუთო-ს საპარლამენტო ასამბლეის პრეზიდენტმა ბიუროს წინაშე საქართველოს ოკუპირებულ ტერიტორიებზე მომხდარი დანაშაულებების და იქ მცხოვრები ადამიანების მდგომარეობის შესახებ ასამბლეის რეზოლუციაში ასახვის საკითხი დააყენა.

„საქართველოს დამოუკიდებლობის აღდგენის მიუხედავად, მისი დამოუკიდებლობის დაცვას წლების განმავლობაში ბევრი ადამიანი ეწირება. თქვენთვის და საერთაშორისო საზოგადოებისთვის ცნობილია „ოთხოზორია-ტატუნაშვილის სიის“ შესახებ და ჩვენი მოთხოვნაა ადექვატური პასუხი მოეთხოვოს დამნაშავეებს. ცოტა ხნის წინ, საქართველოს ოკუპირებულ ტერიტორიაზე უმძიმესი დანაშაული - 29 წლის ირაკლი კვარაცხელიას მკვლელობა მოხდა, რაც დღემდე გამოუძიებელია. აუცილებელია ეს ფაქტი აისახოს ასამბლეის რეზოლუციაში და მკაფიოდ აღინიშნოს, რომ ყველა დამნაშავემ მკაცრად უნდა აგოს პასუხი“, - განაცხადა გიგი წერეთელმა.

ეუთო-ს საპარლამენტო ასამბლეის პრეზიდენტმა ბიუროს სხდომაზე ეუთოს რეგიონში არსებული გამოწვევების დაძლევის მნიშვნელობაზეც ისაუბრა.

„სახელმწიფოებთან და მთავრობებთან ერთად, ჩვენ ერთობლივად უნდა ვიმუშაოთ, რათა არსებული გამოწვევების გათვალისწინებით ხელშესახებ პროგრესს მივაღწიოთ. ეს ეხება აღმოსავლეთ უკრაინაში კონფლიქტის დასრულებას, სხვა კონფლიქტურ რეგიონებში და ოკუპირებულ ტერიტორიებზე ადამიანის უფლებების დაცვას, ჟურნალისტების უსაფრთხოებას, სამოქალაქო სექტორის ხელშეწყობას და სხვადასხვა ნაკლებად წარმომადგენლობითი ჯგუფების ყოველდღიურ ცხოვრებაში აქტიური ჩართულობის გაზრდას“, - აღნიშნა გიგი წერეთელმა.

,,ბიუროს სხდომაზე სხვადასხვა საერთაშორისო მნიშვნელობის საკითხების განხილვასთან ერთად, ასამბლეის სპეციალურმა წარმომადგენლებმა ეუთოს რეგიონში პოლიტიკურ, ეკონომიკურ, ადამიანის უფლებების და დემოკრატიის საკითხებზე რეზოლუციების პროექტები წარმოადგინეს, რომლის დამტკიცებაც ლუქსემბურგში, ეუთოს საპარლამენტო ასამბლეის 28-ე ყოველწლიური სესიის ფარგლებში მოხდება“, - ნათქვამია ინფორმაციაში.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 13.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Konica Minolta-ს პირველი ოფისი 12 ნოემბერს თბილისში ოფიციალურად გაიხსნა
ტოიოტა ფორტუნერი - თავდაჯერებულობა ნებისმიერ გზაზე, ახლა უკვე დიზელის ძრავით
აგრესიული რეგულაციების გვერდითი მოვლენები სამშენებლო ბაზარზე – ფასების ზრდა
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა