„ევროპული სკოლის საზაფხულო ბანაკი 2019 საქართველოში“ მონაწილეთა შესარჩევ კონკურსს აცხადებს

სსიპ „ბავშვთა და ახალგაზრდობის ეროვნული ცენტრი“ „ევროპული სკოლის საზაფხულო ბანაკი 2019 საქართველოში“ მონაწილეთა შესარჩევ კონკურსს აცხადებს. ამის შესახებ „ინტერპრესნიუსს“„ბავშვთა და ახალგაზრდობის ეროვნული ცენტრიდან“ აცნობეს.

მათი ინფორმაციით, პროექტი ხორციელდება ევროკავშირის მხარდაჭერით და საქართველოში აღმოსავლეთ პარტნიორობის ევროპული სკოლის ინიციატივის ნაწილია.

„კონკურსში მონაწილეობა შეუძლიათ ახალგაზრდებს ევროკავშირისა და აღმოსავლეთ პარტნიორობის 6 ქვეყნიდან (აზერბაიჯანი, ბელარუსი, მოლდოვა, საქართველო, სომხეთი და უკრაინა). ბანაკი ჩატარდება 16-30 აგვისტოს, მონაწილეთა ასაკი 14-18 წელია.

ბანაკში მონაწილეობას მიიღებს 100 ახალგაზრდა, რომლებიც ჩაერთვებიან სხვადასხვა ინტერაქტიულ და საგანმანათლებლო აქტივობებში. ყველა აქტივობის მიზანი კი ევროკავშირსა და აღმოსავლეთ პარტნიორობის ქვეყნებს შორის, ახალგაზრდების თანამშრომლობის, ევროპული სამოქალაქო ღირებულებების, მულტიკულტურული გაგებისა და ტოლერანტობის მშენებლობის გაძლიერებაა. აღნიშნული პროგრამის ქვეშ, ცენტრმა უკვე განახორციელა ორი ბანაკი 2017 და 2018 წლებში, რომლის ფარგლებშიც ჯამში 180 საერთაშორისო სტუდენტს უმასპინძლა საქართველოში.

დამატებითი ინფორმაციისთვის ეწვიეთ ვებგვერდს- www.cync.ge,“, -ნათქვამია „ბავშვთა და ახალგაზრდობის ეროვნული ცენტრის“ მიერ გავრცელებულ ინფორმაციაში.

თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
ქართული პრესის მიმოხილვა 05.06.2020
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ეკომარტი“ - ნატურალური და ეკომეგობრული პროდუქტების მრავალფეროვანი ონლაინ მაღაზია გაიხსნა
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით