გიორგი ბარამიძის ინფორმაციით, ზუგდიდში, სოფელ ჭითაწყარში სანდრა რულოვსის მოსახლეობასთან შეხვედრის ჩაშლა სცადეს

გაერთიანებული ოპოზიციის წევრის გიორგი ბარამიძის ინფორმაციით, ზუგდიდის სოფელ ჭითაწყარში, სადაც გაერთიანებული ოპოზიციის ზუგდიდის მერობის კანდიდატი, სანდრა რულოვსი მოსახლეობასთან შეხვედრას მართავდა, ინციდენტი მოხდა. ამის შესახებ ბარამიძემ საარჩევნო შტაბში გამართულ ბრიფინგზე განაცხადა.

ბარამიძის თქმით, მმართველი პარტიის ახალგაზრდული ორგანიზაციის წარმომადგენელმა ხალხთან შეხვედრის ჩაშლა სცადა.

„ზონდერი გიორგი გოგინავა მოგვივარდა და შეეცადა სანდრას ხალხთან შეხვედრის ჩაშლას. ის „ქართული ოცნების“ სახეა ზუგდიდში. ასეთი პროვოკაციებით სანდრას ხალხთან შეხვედრის მცდელობა დასრულდება წარუმატებლობით, მათი არავის ეშინია. ვაფრთხილებთ ხელისფლებას, რაც უფრო მეტ კრიმინალს ჩართავენ და პროვოკაციას მოაწყობენ, მით უფრო მწარე პასუხს მიიღებენ და დამარცხდებიან", - აღნიშნა გიორგი ბარამიძემ.

„ქართული ოცნების“ შტაბში გაერთიანებული ოპოზიციის ბრალდებებს უარყოფენ. შტაბის წევრის, მამუკა წოწერიას თქმით, პროვოკაციის მოწყობა „ნაციონალური მოძრაობის“ ხელწერა და მეთოდია.

„მათი ბრალდება არის მტკნარი სიცრუე. სამწუხაროდ, მოსახლეობას აქვს მწარე მეხსიერება მათი მმართველობის პერიოდის განხორციელებული დანაშაულის შესახებ და ბუნებრივია, ექნებათ მწვავე შეკითხვები. ჩვენ ამაზე პასუხისმგებლოობას ვერ ავიღებთ, რომ ვინმემ რამე კითხვა დასვას, მაგრამ ვიძლევით გარანტიას, რომ ყველაფერი იქნება კანონის ფარგლებში და ყველა პოლიტიკურ ძალას მოვუწოდებთ, კამპანია ჩაატარონ კანონმდებლობით გათვალისწინებულ ჩარჩოებში. ჩვენი მიზანია, არჩევნები ჩატარდეს პრინიციპულად მშვიდ და კონკურენტულ გარემოში. რაც შეეხება გოგინავას, მე მას პირადად არ ვიცნობ, თუმცა, როგორც ვიცი, მას „ქართულ ოცნებასა“ და შენგელაის საარჩევნო შტაბთან კავშირი არ აქვს“, - აღნიშნა წოწერიამ.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა