უკრაინის მოქმედი პრეზიდენტი პეტრო პოროშენკო კიევში, სტადიონ „ოლიმპიისკიზე“ მივიდა, სადაც პოროშენკოსა და საპრეზიდენტო კანდიდატ ვლადიმერ ზელენსკის შორის დებატები უნდა გაიმართოს. ამის შესახებ სააგენტო „უნიანი“ იუწყება.
დებატების პირდაპირ ეთერში ტრანსლირება „ფეისბუქის“ მეშვეობით მოხდება.
როგორც ცნობილია, დებატების სტადიონზე გამართვა პეტრო პოროშენკოს ვლადიმერ ზელენსკიმ 3 აპრილს შესთავაზა. პოროშენკომ შეთავაზება მიიღო და ზელენსკის სტადიონზე შეხვედრა 14 აპრილს14.14 საათზე შესთავაზა. ამ დროისთის უცნობია, მივიდა თუ არა ვლადიმერ ზელენსკი სტადიონზე.