შრი-ლანკაში აფეთქებების შედეგად დაღუპულთა რიცხვი 140 ადამიანამდე გაიზარდა
შრი-ლანკაში სამ სასტუმროსა და სამ ეკლესიაში ერთდროულად მომხდარი აფეთქებების შედეგად დაღუპულთა რიცხვი 140 ადამიანამდე გაიზარდა, ხოლო დაშავებულთა რიცხვი კი 400-მდე. აფეთქების დროს ეკლესიებში სააღდგომო წირვა მიმდინარეობდა.
პოლიციაში აცხადებენ, რომ ორ ლოკაციაზე აფეთქება თვითმკვლელმა ტერორისტმა განახორციელა. ასევე, ოფიციალურმა პირებმა დაადასტურეს, რომ დაღუპულებს შორის უცხოელები არიან.
ქვეყნის პრემიერ-მინისტრმა რანილ ვიკრამასინგხემ დაგმო ქვეყანაში მომხდარი ტერაქტები.
ამ ეტაპზე ჯერ არც ერთ ტერორისტულ ან ექსტრემისტურ ორგანიზაციას პასუხისმგებლობა არ აუღია აღნიშნულ ტერაქტზე.
