გურიაში ქალთა ეკონომიკური გაძლიერების საკითხებზე შეხვედრები გაიმართა

თემატური მოკვლევის ჯგუფი - "სახელმწიფო ეკონომიკურ პროგრამებში ქალთა მონაწილეობა" მოკვლევის შემდეგ ეტაპზე გადადის. 21 აპრილს რეგიონებსა და საქართველოს პარლამენტში დაგეგმილი ზეპირი მოსმენები დაიწყო. ამის შესახებ „ინტერპრესნიუსს“ საქართველოს პარლამენტიდან აცნობეს. მათივე ინფორმაციით, ჩოხატაურში,"ივლიტას ბიბლიოთეკაში" თემატური მოკვლევის ჯგუფის - "სახელმწიფო ეკონომიკურ პროგრამებში ქალთა მონაწილეობა", შეხვედრა ადგილობრივ მეწარმეებთან გაიმართა, ღონისძიებას ორგანიზატორია გენდერული თანასწორობის საბჭო და ეროვნულ-დემოკრატიული ინსტიტუტი (NDI), ხოლო ფინანსური მხარდამჭერი კი, ბრიტანეთის მთავრობაა (UK aid).

დაგეგმილ მოსმენაზე თემატური მოკვლევის ჯგუფის წევრები გარემოს დაცვისა და სოფლის მეურნეობის სამინისტროსა და ეკონომიკისა და მდგრადი განვითარების სამინისტროს ფარგლებში არსებულ სახელმწიფო პროგრამების ბენეფიციარ ქალ მეწარმეებს ხვდებიან და უსმენენ, რომლებიც სხვადასხვა საგრანტო კონკურსის გამარჯვებულები არიან.

ამავე პროექტის ფარგლებში 22 და 24 აპრილს თბილისში საქართველოს პარლამენტში თემატური მოკვლევის ჯგუფის წევრები უკვე ტექნიკური რეგლამენტის შესაბამისად მიღებული განაცხადების შერჩეულ ავტორებს (რომელთა ძირითად ნაწილს არასამთავრობო ორგანიზაციები წარმოადგენენ) მოუსმენენ. ზეპირ მოსმენებში გარდა მოკვლევის ჯგუფის წევრი დეპუტატებისა, აქტიურად არიან ჩართული და თითოეულ მოსმენას ესწრება ჯგუფის ექსპერტიც, რომელიც მოსმენების შედეგად მიღებულ ინფორმაციას საბოლოოდ დასკვნითი სარეკომენდაციო დოკუმენტისთვის შეაჯამებს.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო