სერგო მეთოფიშვილი გიორგი მიქაუტაძეს - თქვენი ლექციები არ მჭირდება

თქვენი ლექციები არ მჭირდება ბატონო გიორგი, - ასე მიმართა იუსტიციის უმაღლესი საბჭოს მოსამართლე წევრმა სერგო მეთოფიშვილმა იუსტიციის უმაღლესი საბჭოს მდივანს, გიორგი მიქაუტაძეს.

იუსტიციის უმაღლესი საბჭოს სხდომაზე განსახილველ საკითხთა შორის იყო „საქართველოს საერთო სასამართლოების მოსამართლეთათვის დანამატის განსაზღვრის შესახებ" საკითხი, რომლის მომხსენებელიც საბჭოს მდივანი გიორგი მიქაუტაძე იყო.

მეთოფიშვილმა საკითხზე მსჯელობისას კითხვა დასვა, დანამატის გაზრდა ეხებოდა თუ არა სასამართლოს აპარატის თანამშრომლებსაც. გიორგი მიქაუტაძემ უპასუხა, რომ ეს იუსტიციის საბჭოს კომპეტენცია არ არის და ამ საკითხს უშუალოდ სასამართლოს ხელმძღვანელი წყვეტს.

„კიდევ ერთხელ გეუბნებით, ეს არ არის ჩემი გადასაწყვეტი საკითხი და თუ რესურსებზე მეკითხებით, იციან ეს თავმჯდომარეებმა. თქვენი სასამართლოს ხელმძღვანელი თქვენთან ახლოს ზის და მას აქვს ინფორმაცია ამის თაობაზე. ჰკითხეთ თქვენს თავმჯდომარეს. გასაგებია?! სხვანაირად როგორ აგიხსნათ?“ - მიმართა გიორგი მიქაუტაძემ სერგო მეთოფიშვილს.

სერგო მეთოფიშვილმა კი უპასუხა, რომ ძალიან კარგად იცის, ვისი კომპეტენცია არის. „მე გკითხეთ, თუ იცით და თუ გაქვთ ინფორმაცია. მინდოდა დაფიქსირებულიყო ამ სხდომაზე, ამ ფორმატში, გასაგებია?!" - აღნიშნა სერგო მეთოფიშვილმა.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ