ფრაქცია “ქართული ოცნება - ძლიერი საქართველოსთვის“ წევრმა ირაკლი აბუსერიძემ “აჩუქე წიგნის“ აქციის ფარგლებში, 90-ე საჯარო სკოლის მოსწავლეებს წიგნები გადასცა.

“ძალიან კარგია, რომ ეს ტრადიცია დამკვიდრდა. განვითარებული და ჯანსაღი თაობა ჩვენი მომავლის საწინდარია. განათლებული და წიგნიერი ახალგაზრდობა ქვეყნის წინსვლის გარანტიაა. მიუხედავად იმისა, რომ კომპიუტერულ ეპოქაში ვცხოვრობთ, უნდა ვეცადოთ, წიგნმა არ დაკარგოს მნიშვნელობა. ბავშვებს უფრო მეტად უნდა შევაყვაროთ კითხვა და დავაახლოვოთ წიგნთან. მოგიწოდებთ ყველას, ხელი შეუწყოთ ცოდნის გავრცელებას და ჩაერთოთ ამ კამპანიაში,“ - განაცხადა დეპუტატმა.