საპროცედურო საკითხთა კომიტეტმა საქართველოს პარლამენტის ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის წევრთა რაოდენობისა და პროპორციული წარმომადგენლობის კვოტების განაწილების საკითხს კენჭი უყარა.

კომიტეტის გადაწყვეტილებით, დროებითი კომისია დაკომპლექტებული იქნება 14 წევრით, ხოლო კვოტები შემდეგნაირად განაწილდა: საპარლამენტო უმრავლესობა - 7 წევრი, "ევროპული საქართველო" - 3 წევრი, "ნაციონალური მოძრაობა" - 1 წევრი, "პატრიოტთა ალიანსი" - 1 წევრი, დამოუკიდებელი დეპუტატები - 2 წევრი.