მამუკა მდინარაძე აცხადებს, რომ თუ ახლო მომავალში უზენაეს სასამართლოში ახალი მოსამართლეების დანიშვნა არ დაიწყება, სასამართლო კოლაფსის წინაშე აღმოჩნდება

ფრაქცია „ქართული ოცნების“ თავმჯდომარის მამუკა მდინარაძის ინფორმაციით, თუკი ახლო მომავალში უზენაეს სასამართლოში ახალი მოსამართლეების დანიშვნა არ დაიწყება, სასამართლო კოლაფსის წინაშე აღმოჩნდება.

როგორც მდინარაძემ პარლამენტში მიმდინარე შეხვედრისას განაცხადა, უზენაეს სასამართლოში ახლო მომავალში მხოლოდ 7 მოსამართლე იქნება და დაახლოებით 5-6 ათასია საქმე, რომელთა განხილვასაც მოქალაქეები ელოდებიან.

„რაც შეიძლება მალე უნდა მოხდეს მოსამართლეების განწესება საჭირო რაოდენობამდე მაინც, რომ უზენაეს სასამართლოში საქმეები განხილვა არ დამუხრუჭდეს და ადგილი აქ ჰქონდეს კოლაფსს. სწორედ ჩვენი პასუხისმგებლობაა, რომ კოლაფსი არ დავუშვათ“ , - აღნიშნა მამუკა მდინარაძემ.

მან აქვე დასძინა, რომ საერთო სასამართლოების შესახებ კანონპროექტში დაგეგმილი ცვლილებები უპრეცედენტოა და უზრუნველყოფს უზენაესი სასამართლოს ახალი მოსამართლეების სრულად გამჭირვალე პროცედურებით არჩევას.

პარლამენტის იურიდიულ საკითხთა კომიტეტის წევრები უზენაესი სასამართლოს მოსამართლეების არჩევის წესზე არასამთავრობო სექტორის, ადვოკატთა ასოციაციის და სახალხო დამცველის აპარატის წარმომადგენლებს ხვდებიან.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა