„მართლმსაჯულება გადასარჩენია“ - ამ სლოგანით პარლამენტთან იურისტები საპროტესტო აქციას მართავენ

„მართლმსაჯულება გადასარჩენია“ - ამ სლოგანით საქართველოს პარლამენტთან იურისტები საპროტესტო აქციას მართავენ.

აქციაზე იმყოფებიან ადვოკატთა ასოციაციის ყოფილი თავმჯდომარე ზაზა ხატიაშვილი, ყოფილი სახალხო დამცველი უჩა ნანუაშვილი, უზენაესის სასამართლოს ყოფილი თავმჯდომარის ნინო გვენეტაძის თანაშემწე კახა წიქარიშვილი, იურისტი კახა კოჟორიძე, სამოქალაქო სექტორის წარმომადგენლები და სხვა იურისტები.

მათი განცხადებით, სასამართლო სისტემას უნდა მოშორდეს ე.წ. კლანი, წინააღმდეგ შემთხვევაში სასამართლო დამოუკიდებელი ვერ იქნება.

როგორც ჟურნალისტებს იურისტმა კახა კოჟორიძემ განუცხადა, პარლამენტი მესამე მოსმენით აპირებს მიიღოს კანონპროექტი, რომელიც დამოუკიდებელი მართლმსაჯულების არსებობას ვერ უზრუნველყოფს.

„ოთხი თვის წინ, როდესაც ვიხილეთ უზენაეს სასამართლოში უვადოდ დასანიშნი კანდიდატები, თუ როგორ სამარცხვინოდ დაასახელა იუსტიციის საბჭომ, მაშინ დაიწყო კანონპროექტზე საუბარი, როგორც ურთულესი სიტუაციიდან გამოსავალზე. მაშინდელი განწყობა ჩვენი პარლამენტის თავმჯდომარის და სხვა გავლენიანი პოლიტიკოსების მაძლევდა იმის თქმის საფუძველს, რაც მაშინ ვთქვი, რომ კანონპროექტი, რომელსაც აანონსებდნენ, შეასრულებდა იმ ბრჭყვიალა ქაღალდის ფუნქციას, რომელიც ლამაზად შეფუთავდა იმას, რაც საქართველოში არავის მოსწონს. გამართლდა ჩემი სიტყვები. დღეს პარლამენტი უკვე მესამე მოსმენით აპირებს მიიღოს კანონი, რომელიც იქნება „კლანის" პოლიტიკური მხარდაჭერის გაგრძელება.

სამოქალაქო საზოგადოების მხრიდან მთავარი მოთხოვნა არის ის, რაც აქამდე იყო - „კლანი" უნდა გადადგეს. „კლანის" გადადგომის გარეშე არანაირ კანონპროექტს, თუნდაც რომ იდეალური იყოს და ვენეციის კომისიის ასპროცენტიანი რეკომენდაციების გათვალისწინებაც რომ მოხდეს, ამ შემთხვევაშიც არ ეშველება სასამართლო სისტემას. უნდა შევიგნოთ, რომ ჩვენთან კანონში კი არ არის მთავარი პრობლემა, არამედ "კლანშია". განაცხადა კახა კოჟორიძემ.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 09.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას