ემზარ კვიციანი - ხომ არ არის რამე ფარული გარიგება ჩვენს ზურგსუკან დავით გარეჯთან დაკავშირებით?

ხომ არ არის რამე ფარული გარიგება ჩვენს ზურგს უკან დავით გარეჯთან დაკავშირებით, როგორც ეს ხდებოდა ძალიან ხშირ შემთხვევაში კოდორის ხეობაში, როდესაც ხან დესანტი შემოგვიყვანეს, ხან ჩეჩნები?! - ამის შესახებ ფრაქცია „საქართველოს პატრიოტების“ წევრმა ემზარ კვიციანმა პარლამენტის პლენარულ სხდომაზე განაცხადა.

როგორც კვიციანმა აღნიშნა, თუ ზურგსუკან ფარული გარიგებები ხდება, დავით გარეჯსაც დავკარგავთ.

„დავით გარეჯზე ძალიან ბევრი საუბარი მიდის, მაგრამ ფაქტი ერთია, რომ აზერბაიჯანელმა მესაზღვრეებმა გადმოკვეთეს საზღვარი და პასუხი არავინ გასცა. მაინტერესებს, რა წესდებით ხელმძღვანელობენ ჩვენი მესაზღვრეები. დახმარებას იხვეწება არქიმანდრიტი, რომ ფაქტობრივად ძალადობა მიდის და არ უშვებენ ჩვენს მორწმუნეებს სალოცავად. ძალიან კარგია, რომ გაიხსნა, მაგრამ გვპირდებიან რომ 5-ში ისევ ჩაკეტავენ. რატომ ხდება ეს? ხომ არ არის რამე ფარული გარიგება ჩვენს ზურგსუკან, როგორც ეს ხდებოდა ძალიან ხშირ შემთხვევაში კოდორის ხეობაში, როდესაც ხან დესანტი შემოგვიყვანეს, ხან ჩეჩნები შემოგვიყვანეს ჩვენს ზურგსუკან გარიგებებით. თუ ეს ასე ხდება, ეს ტერიტორიაც დაკარგული იქნება მალე. ამიტომ ვფიქრობ, რომ დავუძახოთ ან შინაგან საქმეთა მინისტრს ან სასაზღვრო დეპარტამენტის ხელმძღვანელს და აგვიხსნას ბოლოს და ბოლოს იქ რა ხდება“, - განაცხადა კვიციანმა.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა