გიორგი ჭანტურიას ადვოკატი - ბრალდების მხარემ ცრუ მოწმეები წარმოადგინა

საქმეში წარმოდგენილი მტკიცებულებები არანაირად არ ადასტურებს გიორგი ჭანტურიას შემხებლობას ამ დანაშაულთან, - ამის შესახებ გენერალ სამსონ ქუთათელაძის მკვლელობაში ბრალდებული გიორგი ჭანტურიას ადვოკატმა ბექა ბასილაიამ „ინტერპრესნიუსს“ განუცხადა. მისი თქმით, ბრალდების მხარემ საქმის გამოძიების პროცესში ცრუ მოწმეები წარმოადგინა.

„საქმეში წარმოდგენილი მტკიცებულებები არანაირად არ ადასტურებს გიორგი ჭანტურიას შემხებლობას ამ დანაშაულთან. პირიქით, აქ ისეთი მოწმეები არიან წარმოდგენილნი, რომლებსაც ჩვენებები აქვთ შეცვლილი და რომლებიც ასე ვთქვათ, ციდან დაეშვნენ, აი, საერთოდ საქმეში რომ არც ფიგურირებდნენ, 8 თვის თავზე თითქოს, გამოჩხრიკეს ვიღაცები, რომლებიც რეალურად ცრუ მოწმეები არიან. ეს არის საქმის ფაქტობრივი გარემოებები, ხოლო რაც შეეხება პროცესუალურ ნაწილს, ამ 9 თვის მანძილზე მტკიცებულებათა გამოკვლევა არ ყოფილა ამოწურული. დღესდღეობით მიმდინარეობს დაცვის მხარის მიერ მტკიცებულებათა გამოკვლევა,“ - განაცხადა ბასიალიამ.

გენერალ სამსონ ქუთათელაძის მკვლელობაში ბრალდებული გიორგი ჭანტურია, პატიმრობის 9 თვიანი ვადის ამოწურვის გამო, გირაოს სანაცვლოდ გათავისუფლდა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს