მაია ცქიტიშვილი ანაკლიის პორტზე - პროექტის საჭიროების მიმართ კითხვა არ დგას - ერთადერთი პრობლემაა, რომ დღეს სამუშაოები ამ ტერიტორიაზე არ მიმდინარეობს

ანაკლიის პროექტის საჭიროების მიმართ არანაირი კითხვა არ დგას. ერთადერთი პრობლემაა, რომ დღეს სამუშაოები ამ ტერიტორიაზე არ მიმდინარეობს, - ამის შესახებ რეგიონული განვითარებისა და ინფრასტრუქტურის მინისტრმა მაია ცქიტიშვილმა „ინტერპრესნიუსს" ანაკლიაში სტუმრობის კომენტირებისას განუცხადა.

მინისტრი აცხადებს, რომ ანაკლიის პორტი უმნიშვნელოვანესია ქვეყნის ეკონომიკური უსაფრთხოების თვალსაზრისით და მისი საჭიროების მიმართ კითხვის ნიშნები არაა.

„პროექტი უმნიშვნელოვანესია ქვეყნის ეკონომიკური უსაფრთხოების თვალსაზრისით, რეგიონის განვითარებისთვის და იმისთვის, რომ ჩვენი ლოგისტიკური პოტენციალი ავითვისოთ. ჩვენი და დარწმუნებული ვარ ანაკლიის განვითარების კონსორციუმის სურვილია, რომ აქ იყოს გაჩაღებული სამშენებლო სამუშაოები,"-აცხადებს ცქიტიშვილი.

კითხვაზე, რატომ არ ესტუმრა მინისტრი აქამდე ანაკლიას, ცქიტიშვილი აცხადებს, რომ სახელმწიფო ძალიან ბევრ პროექტს ახორციელებს და ის არაა ყველგან ნამყოფი.

„მთავრობის დაფინანსებით წელს 6000 პროექტია დაგეგმილი, მათ შორის საკმაოდ მნიშვნელოვანი პროექტები და მე ნამდვილად არ ვარ ყველა პროექტზე ნამყოფი. ჩემი დათვალიერება არ განსაზღვრავს ამ პროექტის წარმატებულობას“, - განაცხადა ცქიტიშვილმა.

ცნობისთვის, ეს რეგიონული განვითარებისა და ინფრასტრუქტურის მინისტრის მაია ცქიტიშვილის პირველი სტუმრობაა ანაკლიაში. მან პორტის ტერიტორია შესაბამისი ეკიპირებით დაათვალიერა.

იხილეთ ვიდეო

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 02.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის