აშშ-ში დენვერთან ახლოს STEM-ის სკოლის კუთვნილ ტერიტორიაზე ორმა მოსწავლემ ცეცხლი გახსნა, შედეგად დაიღუპა ერთი მოსწავლე, ხოლო შვიდი დაშავდა. ორივე თავდამსხმელი დაკავებულია.

როგორც ადგილობრივი მედია იტყობინება, სკოლაში თავდასხმა ადგილობრივი დროით 14:00 საათზე განხორციელდა. შემთხვევის ადგილზე სამართალდამცველები მალევე მივიდნენ. მომხდარის გამო სკოლაში სასწავლო პროცესი შეწყდა. დაღუპული 18 წლის მოსწავლეა.

კოლორადოს გუბერნატორის ჯარედ პოლისის განცხადებით, იგი შემთხვევის ადგილზე დამატებით სამართალდამცველებს გაგზავნის. მომხდარს გამოეხმაურნენ თეთრ სახლში. ტრამპის ადმინისტრაციის წარმომადგენლის განცხადებით, პრეზიდენტი მოვლენებს ყურადღებით აკვირდება.