მედიკო მარგოშვილი გამორიცხავს, რომ სამართალდამცავებმა მისი მეუღლე, მალხაზ მაჩალიკაშვილი დააკავონ.
როგორც მედიკო მარგოშვილმა ჟურნალისტებს პარლამენტთან განუცხადა, მის მეუღლეს არანაირი დანაშაული არ ჩაუდენია, შესაბამისად, დაკავების მოლოდინიც არ აქვს.
"არ ველოდები, რომ დააკავებენ მალხაზს, რადგან მას დასაკავებელი ჯერჯერობით არაფერი ჩაუდენია. დააკავონ დამნაშავეები. ვინც რამეში არის გარეული, ვინც რამე ჩაიდინა, რა თქმა უნდა, უნდა დაისაჯოს. თვითონ ჩაბარდება, თუ რამე აქვს. დასაკავებელი ჩემს მეუღლეს არაფერი ჩაუდენია. არ მგონია, რომ დააკავებენ", - განაცხადა მედიკო მარგოშვილმა.
მალხაზ მაჩალიკაშვილი სუს-ში ხელმეორედ დაიბარეს. ის სახელმწიფო უსაფრთხოების სამსახურში 15:00 საათზე უნდა მივიდეს.