მალხაზ მაჩალიკაშვილი სახელმწიფო უსაფრთხოების სამსახურში გამოკითხვაზე, 9 მაისს, 11:00 საათზე მივა, - ამის შესახებ "ინტერპრესნიუსს" ადვოკატმა, მარიამ კუბლაშვილმა განუცხადა.

მისი თქმით, უწყებას მალხაზ მაჩალიკაშვილის გამოკითხვაზე დაბარების ხვალისთვის გადადება იმის გამო სთხოვა, რომ დღეს, 15:00 საათისთვის სასამართლო პროცესი აქვს დანიშნული, ადვოკატის გარეშე კი მალხაზ მაჩალიკაშვილი სუს-ში არ მივა.

"სუს-ში ხვალ, 11:00 საათზე უნდა მივიდეთ. 15:00 საათზე მაქვს სასამართლო პროცესი, რაც არაერთხელ ვუთხარი სუს-ს და სპეციალურად იბარებენ, რომ მე, არ გავყვე. დღეს, უჩემოდ არ წავა სუს-ში. ხვალ მივალთ, 11:00 საათზე", - განაცხადა მარიამ კუბლაშვილმა.

იხილეთ ვიდეო