მალხაზ მაჩალიკაშვილი სახელმწიფო უსაფრთხოების სამსახურში გამოკითხვაზე მივიდა. მაჩალიკაშვილი ე.წ. მოდულის შენობაში 2 ადვოკატთან ერთად შევიდა.

სუს-ის შენობასთან ასევე იმყოფებიან მაჩალიკაშვილის მეუღლე და მისი მხარდამჭერები.

როგორც მაჩალიკაშვილმა აღნიშნა, ის დაკავებას არ ელოდება, ვინაიდან არის უდანაშაულო და სჯობს დააკავონ ის ადამიანები, რომლებმაც დანაშაული ჩაიდინეს, თუმცა ამის მიუხედავად სუს-ში სხედან.

"დაკავებას არ ველოდები იმიტომ, რომ მე არაფერი ჩამიდენია. დასაკავებელი ამ შენობაში ზის რამდენიმე ადამიანი, ჩემზე წინ ვისაც დაუშავებია ჩემს წინაშე, მთელი ერის და მთელი საქართველოს წინაშე, ქისტი მოსახლეობის წინაშე. სისხლში გასვრილი ხელებით სხედან აქ. არ მაქვს დაკავების მოლოდინი, რადგან არაა ჩადენილი არანაირი დანაშაული და არც დანაშაულის მცდელობა არ არის", - განაცხადა მალხაზ მაჩალიკაშვილმა.

იხილეთ ვიდეო: მალხაზ მაჩალიკაშვილი სახელმწიფო უსაფრთხოების სამსახურში გამოკითხვაზე მივიდა