ლევან იოსელიანმა ყოფილი სპორტკომპლექსის შენობაზე საპროტესტო შინაარსის ბანერი - „მერია, ეს შენობა შენია“ გააკრა

მთაწმინდის რაიონის მაჟორიტარობის დამოუკიდებელმა კანდიდატმა ლევან იოსელიანმა ალექსანდრე ელისაშვილთან და ადგილობრივ მცხოვრებლებთან ერთად, სოლოლაკში (ლ.ასათიანის #50) მდებარე, მიტოვებული და სტიქიურ ნაგავსაყრელად ქცეული, ყოფილი სპორტკომპლექსის შენობაზე საპროტესტო შინაარსის ბანერი მოწოდებით: “მერია, ეს შენობა შენია”, “დაგვიბრუნე სპორტდარბაზი” გააკრა. ამის შესახებ „ინტერპრესნიუსს“ ლევან იოსელიანის შტაბიდან აცნობეს.

ლევან იოსელიანის თქმით, ბრძოლას იქამდე არ შეწყვეტს, ვიდრე სპორტდარბაზი სოლოლაკელებს არ დაუბრუნდება.

„დღეს უკვე მეორედ გავაპროტესტეთ ის უნიათობა და უპასუხისმგებლობა, რაც ამ სპორტდარბაზის ირგვლივ ხდება. სოლოლაკში არსებული ერთადერთი სპორტული კომპლექსი, 25 წელია სავსეა ნანგრევებით, ნაგვითა და შპრიცებით. მერიას აქვს ასეთი არჩევანი-დატოვოს ეს შენობა ნარკომანიის ბუდედ, ან აქციოს კვლავ ჯანსაღი თაობის აღზრდის ცენტრად, სადაც ახალგაზრდები დაკავებული იქნებიან სპორტის სხვადასხვა სახეობით. იმედია, მერია სწორ არჩევანს გააკეთებს. სწორედ ამიტომაც გავაკარით დღეს ადგილობრივი მოსახლეობის თხოვნით აქ ბანერი მოწოდებებით „მერია ეს შენობა შენია“ და „დაგვიბრუნე სპორტდარბაზი“. ჩვენ არ შევწყვეტთ ბრძოლას იქამდე, სანამ ეს სპორტდარბაზი არ დაუბრუნდება სოლოლაკელებს”, - განაცხადა ლევან იოსელიანმა.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო