მამუკა ბახტაძე - საქართველოში ოჯახს და ოჯახურ ფასეულობებს ყოველთვის ყველაზე მნიშვნელოვანი როლი ჰქონდა - ეს იყო ასე, დღესაც ასე არის და მომავალშიც ასე იქნება

საქართველოში ოჯახს და ოჯახურ ფასეულობებს ყოველთვის ყველაზე მნიშვნელოვანი როლი ჰქონდა - ეს იყო ასე, დღესაც ასე არის და მომავალშიც ასე იქნება, - ასე უპასუხა პრემიერ-მინისტრმა მამუკა ბახტაძემ 17 მაისთან დაკავშირებით ჟურნალისტების მიერ დასმულ კითხვას.

აქვე ბახტაძემ აღნიშნა ისიც, რომ “საქართველოში ნებისმიერი მოქალაქის უფლება კანონით არის დაცული“.

შეგახსენებთ, რომ დღეს, 17 მაისს, ოჯახის სიწმინდის დღის აღნიშვნასთან დაკავშირებით კვლავ შედგება სახალხო მსვლელობა რესპუბლიკის (ვარდების) მოედნიდან სამების საკათედრო ტაძრისკენ.