პარლამენტის თავმჯდომარის, ირაკლი კობახიძის განცხადებით, „ნაციონალური მოძრაობა" არჩევნებს აგებს და არეულობის მცდელობა აქვთ.
როგორც კობახიძემ აღნიშნა, ყველაფერი გაკეთდება, რომ არჩევნებმა მშვიდ გარემოში ჩაიაროს.
„არჩევნები ძალიან მშვიდ გარემოში, ყოველგვარი ექსცესების გარეშე წარიმართებოდა, თუმცა 2-3 დღის წინ დაიწყო არეულობის შეტანის მცდელობა „ნაციონალური მოძრაობის" მხრიდან. ეს უნდა უკავშირდებოდეს იგივე ზუგდიდში კვლევის შედეგებს, რომელიც ჩვენც გვაქვს და რომელიც „ნაციონალურ მოძრაობასაც" აქვს. ამ კვლევებით, ისინი ძალიან დიდი ალბათობით, პირველივე ტურში წააგებენ. ალბათ, ამან გამოიწვია მათი ტაქტიკის შეცვლა. მათი ტაქტიკა არის ის, რომ ხელოვნურად სურთ არეულობის შეტანა, ესეც ვერ დასრულდება მათთვის წარმატებულად. მთავარია, ჩვენ გვქონდა საუბარი საერთაშორისო პარტნიორებთან, არასამთავრობო სექტორის წარმომადგენლებთან, რომ მაქსიმალური ყურადღება გამოხატონ, რადგან არავის მიეცეს იქ არეულობის შეტანის საშუალება“, - განაცხადა ირაკლი კობახიძემ.