საპარლამენტო უმრავლესობის წევრი დიმიტრი ცქიტიშვილი ფიქრობს, რომ „ნაციონალური მოძრაობა“ შეიძლება კიდევ ერთხელ დაიშალოს.

„ჩვენ გვინახავს, რომ არაერთხელ გაყოფილა „ნაციონალური მოძრაობა“. კიდევ ერთხელ შეიძლება გაიყოს. მთავარი ის არის, რომ ამ ადამიანებს არ აქვთ განცდა, რომ სხვა პოლიტიკური ვითარებაა. სხვა მოცემულობა და პოლიტიკური ბრძოლის მეთოდებია დღეს საჭირო, თუნდაც იმისთვის, რომ „ქართულ ოცნებას“ ებრძოლო და ქართულ საზოგადოებაში მხარდაჭერა მოიპოვო, მაგრამ ეს რაც ხდება ეს არის ბოდიში და ცირკი“, - აცხადებს დიმიტრი ცქიტიშვილი.

დიმიტრი ცქიტიშვილმა ჟურნალისტებთან 19 მაისის არჩევნებიც შეაფასა. მისი თქმით, მიუხედავად პროვოკაციებისა, არჩევნებმა გუშინ მშვიდ ვითარებაში ჩაიარა. რაც შეეხება მთაწმინდის ოლქში მეორე ტურს, ცქიტიშვილის თქმით, მეორე ტური ჩვეულებრივი პროცესია და ქვეყანაში ბოლო წლებში არაერთი მსგავსი შემთხვევა ყოფილა.