გოგი წულაია - დავმარცხდი თუ არა, მერი ვიქნები თუ არა, ზესტაფონში დიდი სიყვარული დამრჩა - ვარ მათი მერი, მეყვარება ეს ადამიანები და რაც შემეძლება, დავეხმარები
„თავისუფალი საქართველოს“ ზესტაფონის მერობის ყოფილი კანდიდატის, გოგი წულაიას განცხადებით, არჩევნებმა ზეწოლის ქვეშ ჩაიარა. ამასთან, განმარტავს, რომ მზად არის, საჭიროების შემთხვევაში დაეხმაროს ზესტაფონელებს, როგორც მათი მერი.
„ეს არ იყო არჩევნები, ეს ზეწოლა იყო და მე გვარს და სახელებს ვასახელებდი, ვინც ატერორებდა ადამიანებს, რომლებიც მხარს მიჭერდნენ. რა უნდა ვთქვა, ეს ტრაგედიაა. მე დავმარცხდი თუ არა, მერი ვიქნები თუ არა, ზესტაფონში დიდი სიყვარული დამრჩა და მათ წინაშე თავს ვალდებულად ვთვლი და ვარ მათი მერი, მეყვარება ეს ადამიანები და რაც შემეძლება მათ დავეხმარები. ეს იყო გუშინდელი განცხადებაც, როდესაც თავი მერად გამოვაცხადე.
ტრაგედია არის კიდევ ერთი რამ. გუშინ ფოიერვერკებით ზეიმობდნენ. მინდა, ვუთხრა ზესტაფონელ ამომრჩევლებს, ვინც "ქართულ ოცნებას" მისცა ხმა, მათ კისერზე ამოიღებენ ამ თანხას, მაგრამ სამწუხაროდ, იმ ადამიანების კისერზეც ამოიღებენ, ვისაც სწორი პოზიცია ჰქონდა და ცვლილება უნდოდა. მოლოდინი მაქვს ცუდი, ხელისუფლება, რომელიც ყველაფერს აკეთებს თავი შეინარჩუნოს, დაამთავრებს ცუდად და გაქრება "მოქალაქეთა კავშირის" მსგავსად, მაგრამ ეს იქნება ცუდი ფორმებით და ცუდი ქვეყნისთვის",-განაცხადა გოგი წულაიამ.
v-if="article.gallery" v-html="article.gallery"
