“ქართული ოცნების“ ყოფილი დეპუტატის ეკა ბესელიას შეფასებით, 19 მაისის შუალედური არჩევნებიდან გარკვეული დასკვნების გაკეთება შესაძლებელია.

როგორც ბესელიამ ჟურნალისტებთან საუბრისას აღნიშნა, ამ არჩევნებმა აჩვენა, რომ რეალური კონკურენტული გარემო შექმნილი არ იყო და საარჩევნო პროცესი პოლარიზებული იყო ორ პოლიტიკურ ძალას შორის, რამაც შედეგებზე თავისი გავლენა იქონია.

ბესელიამ ყურადღება მთაწმინდის შუალედურ არჩევნებზე გაამახვილა და როგორც განაცხადა, ის მთაწმინდაზე მეორე ტურს ელოდა.

“მთაწმინდის ოლქში რომ არ იყო საარჩევნო აქტიურობა, ესეც პროტესტის გამოვლინება იყო. ის, რომ ტარდება მეორე ტური, იმას ნიშნავს, რომ ეს იყო პასუხი სამართლის თავდაყირა დაყენებასა და სამარლიანობის იდეის წარსულისაკენ შემოტრიალებაზე. ამომრჩეველს არ სურს სამართლიანობის იდეა თავდაყირა დადგეს - ხმების გადანაწილებაც ამის შესაბამისად მოხდა“, - განუცხადა ჟურნალისტებს ეკა ბესელიამ.