როცა ორი წლის წინ მთაწმინდაზე 600 ხმა მივიღე, ამ ნაბიჯით ამომრჩეველმა სამართლიანად გამაკრიტიკა და არჩევანი არ მომიწონა - ახლა 15-ჯერ მეტი ხმა მივიღე, - ამის შესახებ მთაწმინდის მაჟორიტარულ ოლქში “ქართული ოცნების“ კანდიდატმა ლადო კახაძემ “პალიტრანიუსის“ გადაცემაში “360 გრადუსი“ განაცხადა.
“ჩემი აქ (“ქართულ ოცნებასთან“) მოაზრება ხალხს გაეხარდა. თქვენ ეს ადმინისტრაციული რესურსი გგონიათ?! მე ხმა იმ ადამიანებმა მომცეს, ვისაც ჩემი ამ კომპოზიციაში დანახვა გაეხარდა. ისინი ზუსტადაც ჩემი ამომრჩევლები არიან. მადლობას ვეუბნები ამ პოლიტიკურ ძალას, რომელმაც ამ რეალიზაციით დამინახა“, - განაცხადა ლადო კახაძემ.