უკრაინის ვადამდელი საპარლამენტო არჩევნები სავარაუდოდ, 21 ივლისს გაიმართება. ამის შესახებ უკრაინის რადიკალური პარტიის ლიდერმა ოლეგ ლიაშკომ მას შემდეგ განაცხადა, რაც მან პრეზიდენტ ვლადიმერ ზელენსკისთან კონსულტაციები გამართა.

ოლეგ ლიაშკოს განაცხადებით, პარლამენტის დათხოვნის შესახებ განკარგულება 21 ან 22 მაისს გამოიცემა. ლიაშკომ ასევე აღნიშნა, რომ მისი პოლიტიკური პარტია აპირებს არჩევნებში მონაწილეობას.

შეგახსენებთ, ვლადიმერ ზელენსკის ინაუგურაციის ცერემონიალი 20 მაისს გაიმართა. ცერემონიალზე სიტყვით გამოსვლისას ზელენსკიმ განაცხადა, რომ იგი დაითხოვდა პარლამენტს და დანიშნავდა ვადამდელ საპარლამენტო არჩევნებს.