დღეიდან ძალაში შევიდა უკრაინის პრეზიდენტის ვლადიმერ ზელენსკის ბრძანებულება უკრაინის პარლამენტის უფლებამოსილების ვადაზე ადრე შეწყვეტისა და ვადამდელი საპარლამენტო არჩევნების 2019 წლის 21 ივლისს ჩატარების შესახებ.

ქვეყნის ახალმა პრეზიდენტმა ასევე დაავალა ქვეყნის მთავრობას, უზრუნველყოს ვადამდელი საპარლამენტო არჩევნების ფინანსური უზრუნველყოფა.

ზელენსკიმ უკრაინის უმაღლესი რადას დათხოვნის შესახებ გადაწყვეტილებაზე 20 მაისს, ინაუგურაციაზე ისაუბრა. 21 მაისს შესაბამის განკარგულებას ხელი მოაწერა, რომელიც ძალაში სწორედ, დღეიდან შევიდა.