ბათუმის მუნიციპალიტეტის საკრებულოს წევრი „ერთიანი ნაციონალური მოძრაობიდან“ როინ ზოიძე საკრებულოს წევრის მანდატს ტოვებს. უფლებამოსილების შეწყვეტის თაობაზე პირადი განცხადებით როინ ზოიძემ საკრებულოს თავმჯდომარეს დღეს მიმართა.
როგორც ბათუმის საკრებულოში განაცხადეს, მოქმედი კანონმდებლობის და ბათუმის საკრებულოს რეგლამენტის შესაბამისად, საკრებულო აღნიშნულ განცხადებას უახლოეს საკრებულოს სხდომაზე ცნობად მიიღებს.
„ერთიან ნაციონალურ მოძრაობაში" აცხადებენ, რომ როინ ზოიძემ გადაწყვეტილება ოჯახური მდგომარეობის გამო მიიღო და იგი გუნდის წევრად რჩება.
"ერთიან ნაციონალურ მოძრაობაში" ამბობენ, რომ როინ ზოიძეს სიის მიხედვით გელა დეკანაძე ჩაანაცვლებს.