დევიდ ზერა - განათლების სისტემაში ტექნოლოგიების ჩართვასთან დაკავშირებით მინისტრის ხედვა შთამბეჭდავია

გლობალური სტარტაპ ფონდის ოფიციალურ გახსნაზე, რომელიც ქართულ სტარტაპებს მრავალმილიონიან ინვესტიციასთან უხსნის წვდომას, ციფრულ ტექნოლოგიებში საერთაშორისო ექპერტმა დავიდ ზერამ პროექტის შეფასებისას ხაზი გაუსვა, რომ დღევანდელ განათლება ტექნოლოგიების გამოყენების გარეშე წარმოუდგენელია. ამის შესახებ ინფორმაციას საქართველოს განათლების, მეცნიერების, კულტურისა და სპორტის სამინისტრო ავრცელებს.

„განათლების სისტემაში ტექნოლოგიების ჩართვასთან დაკავშირებით მინისტრის ხედვა შთამბეჭდავია. ჩემი აზრით, დღევანდელ რეალობაში განათლება ტექნოლოგიების გამოყენების გარეშე შეუძლებელია. ძალიან მნიშვნელოვანია მოხერხდეს ყველა თანამედროვე ტექნოლოგიის დანერგვა და წარმატებით გამოყენება საგანმანათლებლო პროცესში, ტექნოლოგიები ამარტივებს ადამიანების ყოველდღიურ ცხოვრებას და საქმიანობას, ხოლო ტექნოლოგიების გამოყენება სასწავლო პროცესში ნიშნავს იმას, რომ მომავალი თაობა შექმნის კიდევ უფრო დახვეწილ და უფრო თანამედროვე ტექნოლოგიებს. ეს ძალიან მნიშვნელოვანი პროცესია და მოხარული ვარ სახელმწიფოს მხრიდან ასეთი ჩართულობით, იმ ინვესტიციებით, რომლებიც განათლების სექტორის განვითარებაში იდება. მიმაჩნია, რომ რომ ეს სწორი გზაა“ - განაცხადა დევიდ ზერამ, რომელსაც მენეჯმენტში მუშაობის 25 წლიანი გამოცდილება აქვს და ერთ-ერთი მენტორი და მრჩეველია სტარტაპის Screenz -https://scrnz.com/Screenz.

ის ქმნის ციფრულ პლატფორმას 30-ზე მეტი მაუწყებლისთვის და საპროდიუსერო კომპანიისთვის. დევიდ ზერა აგრეთვე მუშაობს ისეთ მსხვილ სტარტაპებთან, როგორებიცაა: PAYLIX, Interatech,Monday.com“.