საქართველოს პარლამენტის წევრები სლოვაკეთში, ნატო-ს საპარლამენტო ასამბლეაში მიიღებენ მონაწილეობას, სადაც ნატო-ს წევრი და პარტნიორი ქვეყნების პარლამენტარები საგაზაფხულო სესიის ფარგლებში, 31 მაისიდან 3 ივნისამდე შეიკრიბებიან. ამის შესახებ „ინტერპრესნიუსს“ საქართველოს პარლამენტიდან აცნობეს.

მათივე ინფორმაციით, საპარლამენტო ასამბლეაზე ნატო-ს წევრი და პარტნიორი ქვეყნების კანონმდებლები გლობალური უსაფრთხოების, ამერიკისა და ევროპისთვის მნიშვნელოვან პოლიტიკურ საკითხებზე და სამომავლო გეგმებზე იმსჯელებენ.

„საქართველოს პარლამენტიდან ასამბლეის სხდომებში უმრავლესობის ლიდერი არჩილ თალაკვაძე, თავდაცვისა და უშიშროების კომიტეტის თავმჯდომარე ირაკლი სესიაშვილი, თავდაცვისა და უშიშროების კომიტეტის თავმჯდომარის პირველი მოადგილე ირაკლი ბერაია, ასევე ოპოზიციიდან ფრაქცია “ევროპული საქართველოს” წევრი გიორგი კანდელაკი მიიღებენ მონაწილეობას“, - ნათქვამია ინფორმაციაში.