ბოცვანას და საქართველოს კარგად ესმით, რომ თითოეული ხმა და ნებისმიერი ქვეყანა არის მნიშვნელოვანი. არ აქვს მნიშვნელობა რამდენად მდიდარია ან მცირე, - ამის შესახებ ბოცვანას საგარეო საქმეთა მინისტრმა, იუნითი დოუმ საქართველოს საგარეო საქმეთა მინისტრთან, დავით ზალკალიანთან შეხვედრის შემდეგ პრესკონფერენციაზე განაცხადა.

იუნითი დოუს თქმით, ის მაღალ შეფასებას აძლევს საკითხს, რომ ბოცვანას და საქართველოს ესმით მსოფლიოს ყველა მოთხოვნა.

„ჩემი მთავრობის სახელით შემიძლია გითხრათ, რომ ჩვენ ვაღრმავებთ ურთიერთობებს. ვცდებით პოლიტიკურ ურთიერთობებს და კულტურას, სოფლის მეურნეობას, ჯანდაცვას, განათლებას მივმართავთ. რა თქმა უნდა, როდესაც აღნიშნული სექტორები ერთმანეთს ერწყმის, ჩვენ ვიღებთ ურთიერთგაგების ქსელს.

საკმარისი არ არის ქვეყანა მხოლოდ თავის რეგიონში ჩაიკეტოს, ძალიან მნიშვნელოვანია თავისი ხელი გაუწოდოს ოკეანეების გადაღმა სხვა ქვეყნებს. აფრიკის კონტინენტის ცენტრში, ჩვენ გვწამს, რომ გვაქვს უფლებები და მოვალეობები, რომ შევიტანოთ წვლილი მსოფლიოს განვითარებაში. უფლება და ვალდებულება გვაქვს, რომ გამოვიდეთ ჩვენი სამეზობლოდან და გაცილებით მეტი გავაკეთოთ“, - განაცხადა იუნითი დოუმ.