მომხმარებელთა მომსახურების კიდევ უფრო გამარტივების მიზნით, „ბილაინმა“ ქართული ტელეკომის ინდუსტრიაში პირველი მულტიფუნქციური ჩატ-ბოტი დანერგა

„ბილაინმა“, საერთაშორისო ჯგუფი „ვიონის“ წევრმა, მომხმარებლების მომსახურების კიდევ უფრო გამარტივებისა და გაუმჯობესების მიზნით, ახალ ტექნოლოგიაზე დაფუძნებული ჩატ-ბოტი სუპერ • ბი დანერგა. ამის შესახებ „ინტერპრესნიუსს“ „ბილაინიდან“ აცნობეს.

მათი ინფორმაციით, ჩატ-ბოტი ქართულად საუბრობს და ხელმისაწვდომია ნებისმიერ დროს, Facebook Messenger-ის მეშვეობით. შესაბამისად, სუპერ • ბი -ს გამოყენებისთვის საკმარისია მომხმარებელს ჰქონდეს Facebook -ის ანგარიში.

ჩატ-ბოტის შექმნაზე იმუშავა ხელოვნური ინტელექტის მიმართულებით ექსკლუზიურად მომუშავე ქართულმა კომპანიამ Pulsar AI.

„ბილაინის“ ინფორმაციით, საქართველოს ტელეკომუნიკაციების ინდუსტრიაში სუპერ • ბი პირველი მულტიფუნქციური, მესენჯერზე დაფუძნებული ჩატ-ბოტია, რომლის მეშვეობითაც მომხმარებელს უკვე ბევრი მომსახურების მიღება შეუძლია, მათ შორის: ბალანსის შევსება საკუთარ და სხვის ნომერზე; თანხის გადარიცხვა ნომრიდან ნომერზე; ბალანსის შემოწმება; მიმდინარე მომსახურებების, პაკეტებისა და ტარიფების შემოწმება; განვადების დეტალების შემოწმება; დეტალური ამონაწერის მიღება; კრედიტის, ტარიფისა და პაკეტების გააქტიურება/გათიშვა; ინფორმაციის მიღება "ბილაინის" მომსახურებების შესახებ.

„სამომავლოდ სუპერ • ბი ახალ ფუნქციებსაც შეიძენს და მომხმარებლებს კიდევ უფრო სრულყოფილ მომსახურებას შესთავაზებს. „ბილაინის“ მიზანია, უახლესი ტექნოლოგიის გამოყენებით, კიდევ უფრო ხელმისაწვდომი და მარტივი იყოს მომხმარებლისთვის კომპანიასთან კომუნიკაცია და „ბილაინის“ მომსახურებებისა თუ პროდუქტების გამოყენება.

სუპერ • ბი -სთან დასაკავშირებლად ეწვიეთ: https://www.facebook.com/superbuperb /“ - ნათქვამია ინფორმაციაში.

იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
ქართული პრესის მიმოხილვა 07.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ახალი Galaxy Note 20 და Note 20 Ultra წინასწარი შეკვეთა დაიწყო
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში