3 თვეში სამინისტროების მიერ გამოცხადებული ტენდერების შედეგად წარმოქმნილი ეკონომია 27 მილიონ ლარს აჭარბებს

სამინისტროებისა და მათი დაქვემდებარებული საბიუჯეტო ორგანიზაციების მიერ იანვარ-მარტში გამოცხადებული ტენდერების შედეგად წარმოქმნილი ეკონომია 27 308 875 ლარს შეადგენს, - ამის შესახებ 2019 წელს გამოცხადებული ტენდერების შედეგად წარმოქმნილი ეკონომიის შემდგომი გამოყენების თაობაზე მთავრობის განკარგულებაშია აღნიშნული.

სამი თვის განმავლობაში (იანვარი-მარტი) ტენდერების შედეგად წარმოქმნილი ეკონომია ჯამში 27 მლნ ლარს აჭარბებს, აქედან ყველაზე დიდი მოცულობის, კერძოდ, 14 290 834 ლარის ეკონომია რეგიონული განვითარებისა და ინფრასტრუქტურის სამინისტროს აქვს, შემდეგია განათლების, მეცნიერების,კულტურისა და სპორტის სამინისტრო 4 376 327 ლარის ეკონომიით, 3 359 995 ლარის ეკონომია მიიღო გამოცხადებული ტენდერების შედეგად შინაგან საქმეთა სამინისტრომ, 1 270 886 ლარის კი გარემოს დაცვისა და სოფლის მეურნეობის სამინისტრომ.

განკარგულების მიხედვით, რომელსაც ხელს პრემიერ-მინისტრი მამუკა ბახტაძე აწერს, სამინისტროებს და მათ კონტროლს დაქვემდებარებულ საბიუჯეტო ორგანიზაციებს მიეცათ უფლება ტენდერების შედეგად წარმოქმნილი ეკონომია მიმართონ მათ მიერ განსახორციელებელი ინფრასტრუქტურული ღონისძიებების დასაფინანსებლად. ამასთან, ბრძანებაში აღნიშნულია, რომ სამინისტროებს თანხის გამოყენება აღნიშნული მიზნობრიობისაგან განსხვავებული მიმართულებითაც შეეძლებათ, საქართველოს ფინანსთა სამინისტროსთან შეთანხმებით.

ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
ქართული პრესის მიმოხილვა 23.01.2020
ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
გათამაშდა 1 მილიონ 182 454 ლარი - იძებნება მოგებული!
თეგეტა მოტორსმა 2019 წელი ავტოინდუსტრიის ბაზრის ლიდერის სტატუსით დახურა
გეოგრაფიკი და კოლიერსი აბასთუმნის განვითარების პროექტის შესახებ
სილქნეტმა გლობალურ საკომუნიკაციო კომპანია OneWeb-თან თანამშრომლობის მემორანდუმს მოაწერა ხელი
"ლიბერთი ბანკსა" და "ევექსი კლინიკებს" შორის ურთიერთთანამშრომლობის მემორანდუმი გაფორმდა
"სილქნეტი" აგრძელებს ოპტიკური ქსელის განვითარებას რეგიონებში - დაფარვის ზონას დაემატა დუშეთი