პარლამენტში სამეცნიერო-სტუდენტური კონფერენცია „აღმოსავლეთის პარტნიორობა - საქართველო და ევროკავშირი“ გაიმართა

პარლამენტში ფრაქცია „ქართული ოცნება - მრეწველების“ ინიციატივით, სამეცნიერო-სტუდენტური კონფერენცია „აღმოსავლეთის პარტნიორობა - საქართველო და ევროკავშირი“ გაიმართა. როგორც „ინტერპრესნიუსს“ პარლამენტის პრესსამსახურიდან აცნობეს, ღონისძიება აღმოსავლეთ პარტნიორობის ათი წლისთავს ეძღვნება.

მათი ინფორმაციით, კონფერენცია მისასალმებელი სიტყვით ფრაქცია „ქართული ოცნება - მრეწველების“ თავმჯდომარე სიმონ ნოზაძემ გახსნა.

„დღევანდელი კონფერენციის მასშტაბები, ახალგაზრდების დაინტერესება იმის იმედს მაძლევს, რომ საქართველო აბსოლუტურად სწორ გზაზე დგას, შესაძლოა ერთგვარი შეფერხებებით, მაგრამ საქართველო მიდის სწორი მიზნისაკენ და სწორი გზით. თვითონ აღმოსავლეთის პარტნიორობა მნიშვნელოვან დროს შეიქმნა და ეს ის პერიოდია, როდესაც საქართველო განსაკუთრებით საჭიროებდა თავისი მეგობრების მხრიდან პოლიტიკურ, ეკონომიკურ და მორალურ მხარდაჭერას. მხედველობაში მაქვს 2008 წლის აგვისტოს მოვლენები. მზადება იმისა, რომ ჩვენ ევროკავშირის სრულფასოვანი წევრები გავხდეთ, უკვე დაწყებულია და მინდა, სიამოვნებით დავაფიქსირო, რომ საქართველო აღმოსავლეთ პარტნიორობის, მთლიანად ამ პროგრამის ერთ-ერთი მნიშვნელოვანი ლიდერია. დამერწმუნეთ საქართველო ძალიან მალე, სწორედ თქვენი თაობის დახმარებით, მსოფლიოს მოწინავე ქვეყნების რიგებში ჩადგება. ჩვენი ნიჭიერება, ჩვენი მდებარეობა, ჩვენი ბუნება იძლევა იმის საშუალებას, რომ საქართველო წარმატებული ქვეყანა იყოს“, - განაცხადა სიმონ ნოზაძემ.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
Wolt და Mastercard ბათუმში გელიან!