სოფელს ალვანის მოსახლეობა სამუშაო ჯგუფს ქმნის, რომელიც თუშეთის გზის გაწმენდით სამუშაოებს დააკვირდებიან. ამის შესახებ ალვანის მოსახლეობის წარმომადგენლებმა საგზაო დეპარტამენტის წარმომადგენლებთან შეხვედრისას განაცხადეს.

ორსაათიანი შეხვედრის შემდეგ, მოსახლეობასა და საგზაო დეპარტამენტის წარმომადგენლებს შორის შეთანხმება ნაწილობრივ შედგა. ალვანელებმა განმარტეს, რომ სამუშაოებს დააკვირდებიან და თუ პრობლემა მალე არ მოგვარდება პროტესტს გააგრძელებენ.

ამასთან, საგზაო დეპარტამენტი და ტენდერში გამარჯვებული კომპანია "არილი" ხვალიდან ფშაველი-აბანო-ომალოს დამაკავშირებელ გზაზე დამატებით მძიმე ტექნიკას შეიყვანენ. ასევე, საქონლის უსაფრთხოდ გადაადგილებისთვის სპეციალურ ბილიკს მოაწყობენ.

შეგახსსნებთ, რომ ალვანის მოსახლეობა თუშეთის გზის გაწმენდითი სამუშაოების დაჩქარებას ითხოვს, რის გამოც რამდენიმე საპროტესტო აქცია გამართეს. დღეს, დილით კი, მათ ახმეტის მუნიციპალიტეტის საკრებულოს სხდომა ჩაშალეს.