სხვადასხვა ავტოსატრანსპორტო საშუალებების ინსპექტირების საფასურის გათვალისწინებით, 2018 წლის იანვრიდან 2019 წლის თებერვლის ჩათვლით, ავტომობილების მფლობელებმა მხოლოდ პირველად ინსპექტირებაში ჯამში 16 მილიონ 482 ათას ლარზე მეტი დახარჯეს, ხოლო თუ ვივარაუდებთ, რომ მათ განმეორებითი ინსპექტირება სხვა სერვის ცენტრში გაიარეს, პირველად და განმეორებით ინსპექტირებაში ჯამში 19 მილიონ 716 ათას ლარზე მეტი დაიხარჯებოდა. ამის შესახებ „ინფორმაციის თავისუფლების განვითარების ინსტიტუტის“ (IDFI) მიერ ტექისნპექტირების თაობაზე გამოქვეყნებულ შედეგებშია ნათქვამი.

IDFI-ის ცნობით, 2018 წელს იმ ავტოსატრანსპორტო საშუალების მართვის ან სხვა პირისათვის გადაცემის გამო, რომელსაც არ გაუვლია ტექნიკური ინსპექტირება, ჯამურად დაჯარიმდა 14,083 ფიზიკური და იურიდიული პირი.

ორგანიზაციის ცნობით, 2018 წელს ტექნიკური ინსპექტირების გაუვლელობის გამო, ჯარიმების სრულმა ოდენობამ 1 მილიონ ლარზე მეტი შეადგინა.

ორგანიზაციამ ინფორმაცია შსს-დან გამოითხოვა.

იხილეთ ვიდეო: ტექნიკური ინსპექტირების შედეგები - IDFI კვლევას აქვეყნებს