პარლამენტის თავმჯდომარე სტუდენტური პარლამენტის წევრებს შეხვდა. პარლამენტის პრესსამსახურის ინფორმაციით, ირაკლი კობახიძე ახალგაზრდებს ქვეყნის საშინაო და საგარეო პოლიტიკის განხორციელებაში უმაღლესი საკანონმდებლო ორგანოს როლზე, ასევე მისი საკანონმდებლო და საზედამხედველო ფუნქციების შესახებ ესაუბრა.

საუბარი შეეხო საქართველოს პარლამენტის ახალ რეგლამენტსა და რეგლამენტით გათვალისწინებულ ცვლილებებს, მიმდინარე ინსტიტუციურ რეფორმასა და სამომავლო გეგმებს.

ირაკლი კობახიძემ საპარლამენტო საქმიანობაში მოქალაქეთა აქტიური ჩართულობის მნიშვნელობაზე გაამახვილა ყურადღება და სტუდენტურ პარლამენტთან თანამშრომლობისთვის მზადყოფნა დაადასტურა.