„სამოქალაქო მოძრაობის“ ახალი პროექტის - „სამოქალაქო ეზო“ პრეზენტაცია გაიმართა. საგანმანათლებლო პროექტის ფარგლებში, ყოველ კვირა, სხვადასხვა სფეროში აღიარებული ადამიანები, ახალგაზრდებისთვის ღია ცის ქვეშ ლექციებს წაიკითხავენ. ამის შესახებ „ინტერპრესნიუსს“ „სამოქალაქო მოძრაობიდან“ აცნობეს.
„ეს არის არაფორმალური სივრცე განათლების მისაღებად. აქ მოსვლა ნებისმიერ მსურველს შეეძლება და მისთვის საინტერესო ინფორმაციის მიღება, სპეციალურად მოწყობილ გარემოში“, - აღნიშნა „სამოქალაქო მოძრაობის“ დამფუძნებელმა ლევან იოსელიანმა.
„სამოქალაქო ეზოში“ პირველი ლექცია, ალეკო ელისაშვილმა წაიკითხა. მან ქვეყნის ისტორიაში ქალაქების როლზე, თბილისში ურბანიზაციის განვითარების კუთხით არსებულ ვითარებაზე და საქალაქო ცხოვრებაზე ისაუბრა.
ლექციები ყოველ ოთხშაბათს ჩატარდება, დასწრება კი თავისუფალი იქნება.