საგარეო საქმეთა მინისტრის დავით ზალკალიანი განცხადებით, დავით გარეჯთან დაკავშირებით, აზერბაიჯანის ხელისუფლების წარმომადგენლებთან შეხვედრა თბილისში, ივნისში გაიმართება. ამის შესახებ მან ჟურნალისტებს განუცხადა.

მინისტრი იმედს გამოთქვამს, რომ აზერბაიჯანულ მხარესთან, დავით გარეჯთან დაკავშირებით, ყველა აუცილებელ დეტალზე ისაუბრებენ.

"თბილისში, ივნისში უნდა გაიმართოს აზერბაიჯანის ხელისუფლების წარმომადგენლებთან შეხვედრა. მოგეხსენებათ, ეს არის გადაწყვეტილება, რომელიც ბაქოში, პირველი შეხვედრის დროს იქნა მიღწეული და ძალიან მნიშვნელოვანია, , რომ ჩვენ საქმიან ვითარებაში, ყოველგვარი ემოციების გარეშე ვისაუბრებთ ჩვენს სტრატეგიულ პარტნიორთან ყველა დეტალზე", - განაცხადა ზალკალიანმა.

მისივე თქმით, კონკრეტული დღე, თუ როდის გაიმართება შეხვედრა, ჯერჯერობით დაზუსტებული არ არის.