ილია ელოშვილი ე.წ. ჩინელების ბაზარში ხანძარზე - დივერსიაზე და ნებისმიერ სხვა  მიზეზზე საუბარი ახლა ნაადრევია

დივერსიაზე და ნებისმიერ სხვა მიზეზზე საუბარი ახლა ნაადრევად მიმაჩნია,-ამის შესახებ თბილისის მერის მოადგილე ილია ელოშვილმა ლილოში ე.წ ჩინელების ბაზარში, ხანძრის ადგილზე ჟურნალისტებს განუცხადა.

მისივე თქმით, პირველი ამოცანა არის, რომ მოხდეს ხანძრის ლოკალიზება, შემდეგ კი გამოიკვლევენ, თუ რატომ გაჩნდა ხანძარი. რაც შეეხება ზარალის ანაზღაურებას, ვიცე-მერის თქმით, შეისწავლიან, იყო თუ არა დაზღვეული საქონელი.

„ვნახავთ იყო თუ არ იყო დაზღვეული, როგორ მუშაობდნენ ისინი, იყო თუ არა უსაფრთხოების ნორმები დაცული და შესაბამისად მივიღებთ ზომებს",-აცხადებს ელოშვილი.

მისივე განმარტებით, ჯერჯერობით ზარალის ოდენობაზე საუბარი ზედმეტია, რადგან ტერიტორიაზე 20-მდე ობიექტია დამწვარი და ზარალის დათვლას "ერთი-ორი დღე დასჭირდება".

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს