„ჩაინა ლილო სითის" არენდატორი - პროდუქციის ნაწილი იყო დაზღვეული, ნაწილი არა, მაგრამ თვითონ „ჩაინა ლილო სითის" ტერიტორია დაზღვეული იყო
„ჩაინა ლილო სითის" არენდატორის, ჩიმილ ხოს განცხადებით, მისთვის ხანძრის გამომწვევი მიზეზი უცნობია.
მისი თქმით, საწყობში ელექტროსადენები არ ყოფილა და ამიტომ, ხანძრის გაჩენის მიზეზად ელექტროგაყვანილობის გუმართაობასაც ვერ დაასახელებს. ჩიმილ ხოს განცხადებით, ყველანაირ კითხვას გამოძიების შედეგად გაეცემა პასუხი.
„დაახლოებით 10 მაღაზიაა დამწვარი. ზარალს რაც შეეხება, მისი ოდენობა 2 მილიონ ლარამდე იქნება. პროდუქციის ნაწილი იყო დაზღვეული, ნაწილი არა, მაგრამ თვითონ „ჩაინა ლილო სითის" ტერიტორია დაზღვეული იყო. არ ვიცი, საიდან გაჩნდა ხანძარი. გამოძიება ჩატარდება", - განაცხადა ჩიმილ ხომ.
ლილოში, ე.წ. ჩინურ ბაზრობაზე ხანძარი გუშინ გაჩნდა. ხანძრის შედეგად დამწვარია, დაახლოებით 1 000 კვ.მ. ფართობი და პროდუქციის ნაწილი. ადგილზე 17 სახანძრო და 2 სამაშველო ბრიგადა მუშაობდა.
v-if="article.gallery" v-html="article.gallery"
