თბილისის სასწრაფო სამედიცინო დახმარების ცენტრი ნაძალადევის რაიონში მომხდარი ავტოსაგზაო შემთხვევის შესახებ განცხადებას ავრცელებს.

როგორც განცხადებაშია აღნიშნული, ინციდენტი მაშინ მოხდა, როდესაც ბრიგადა გამოძახებიდან ფილიალში ბრუნდებოდა.

„გუშინ, გვიან საღამოს თბილისის ნაძალადევის რაიონში მომხდარი ავტოსაგზაო შემთხვევის შედეგად დაშავდნენ ცენტრის ექიმები და მძღოლი. დაშავებულები ჰოსპიტალიზირებულები არიან კლინიკებში. ორი მათგანის მდგომარეობა სტაბილურია, ხოლო ერთის - სტაბილურად მძიმე. წინასწარი მოკვლევით, ავტოსაგზაო შემთხვევის მიზეზი რთული მეტეოროლოგიური პირობები გახდა. მომხდარ ფაქტზე დაწყებულია გამოძიება“, - აღნიშნულია თბილისის სასწრაფო სამედიცინო დახმარების ცენტრის განცხადებაში.