ნაზი ჯანეზაშვილი - საჭიროა ისეთი რეფორმის გატარება,  რომ ყველა მოსამართლეს ჰქონდეს შესაძლებლობა, გარკვეული დროით  იყოს სასამართლოს თავმჯდომარე

იუსტიციის უმაღლესი საბჭოს არამოსამართლე წევრის ნაზი ჯანეზაშვილის განცხადებით, მართლმსაჯულების რეფორმის მე-4 ტალღაში ბევრი ცვლილება შედის, რომელიც იუსტიციის საბჭოს საქმიანობას ეხება.

როგორც ჯანეზაშვილმა ჟურნალისტებს განუცხადა, ზოგიერთი საკითხი ზუსტდება, რაც კარგია. მისივე თქმით, იუსტიციის უმაღლესი სკოლის მსმენელების მიღებასთან დაკავშირებით კეთდება ჩანაწერი, რომ სკოლა მიიღებს მსმენელებს. გარდა ამისა, ბევრი სხვა ისეთი იდეები განხორციელდება კანონით, რომელიც სამომავლოდ გარკვეულ ცვლილებებს მოიტანს სასამართლო სისტემაში.

„თუმცა, ჩემი აზრით, ერთ-ერთი მთავარი გამოწვევა დღეისთვის არის თავმჯდომარეთა ინსტიტუტი, რომელიც შიდა სრუქტურული პრობლემაცაა, რადგან მოსამართლეები თავმჯდომარეებს აღიქვამენ, როგორც უფროსებს. საქართველოში, ყოველ შემთხვევაში, ასე ჩამოყალიბდა. ამიტომ ვფიქრობ, რომ ეს სისტემა არის რადიკალურად შესაცვლელი. საჭიროა ისეთი რეფორმის გატარება, რომელიც უზრუნველყოფს იმას, რომ ყველა მოსამართლეს ჰქონდეს შესაძლებლობა იყოს სასამართლოს თავმჯდომარე გარკვეული დროით და არ აღიქვამდეს თავს უფროსად", - განაცხადა ნაზი ჯანეზაშვილმა.

საქართველოს პარლამენტის თავმჯდომარე ირაკლი კობახიძე მართლმსაჯულების რეფორმის მე-4 ტალღის საკითხებთან დაკავშირებით დიპლომატიური კორპუსის, არასამთავრობო ორგანიზაციებისა და ხელისუფლების სამივე შტოს წარმომადგენლებს შეხვდა .

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 12.08.2020
სევრის ხელშეკრულების 100 წლისთავი
ამერიკული სტეიკების ფესტივალი ბათუმში
“დიდი სიყვარულის დასაწყისი” - Wolt ქუთაისშია!
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში